La carta da spargn dil di dalla vischnaunca ei in bigliet favoreivel dalla SBB pil traffic public ell'entira Svizra. Ella ei valeivla sigl entir intschess dil GA e possibilitescha viadis nunlimitai duront in di cun tren, bus, tram e biars ulteriurs mieds da transport publics. Il diember da cartas ei limitaus ed il prezi sedrezza tenor disponibladad sco era tenor il mument da cumpra. Pli baul che la carta vegn cumprada e pli favoreivla ch'ella ei.

Las cartas da spargn dil di san vegnir empustadas tier nossa vischnaunca per telefon 081 920 47 80 ni al spurtegl. Damai ch'ils bigliets vegnan emess persunalmein, supplichein nus d'indicar il di da viadi giavischau sco era il prenum, num e il datum da naschientscha dalla persuna che viagescha.