Las Mistailas sennumna la gruppa d'affons che fa diever da nossas structuras dil di. Nus purschin als affons in accumpignament sur miezdi e suenter scola. Da miezdi gaudan Las Misteilas communablamein in gentar sanadeivel ella Miula. Las survigiladras ein adina en contact culs geniturs e culla scola. Suenter gentar van ils affons puspei a scola ni a scoletta. 

Il suentermiezdi ein Las Misteilas en stanza dils «Pluscheins» e las responsablas survigileschan ils affons. Ei vegn dau la caschun da far ils pensums da casa, da zambergiar ni giugar gest tenor giavisch dils affons. 

Per ulteriuras damondas stat la meinascola a Vossa disposiziun

«Ils Pluscheins» ei nossa gruppa da termagls. Cheu han affons naven da 3 onns la pusseivladad da giugar, scuvierer e far empremas experientschas ordeifer la famiglia. Ei vegn cantau, zambergiau, malegiau, raquintau historias e surtut dau spazi per il giug liber. Sin quella moda san ils affons sviluppar lur creativitad, lur lungatg, l’independenza e las cumpetenzas socialas cun plascher e senza squetsch.

Ils affons vegnan ad anflar novas amicezias, els san emprender in da l’auter ed aschia crescher pass per pass. Las experientschas ella gruppa da termagls gidan els per la preparaziun en scoletta.