Cultura | Temps liber
←Museum La Truaisch
Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’impressiun dalla casa da pli baul. El plantiu sepresentan ils mistergners calger e scrinari. Plinavon vegnan era l’agricultura, l’alpicultura d’antruras sco era la cultura da glin presentadas a moda vasta. – Ella partiziun da mineralias secattan admirabels minerals da nos cavacrappa indigens sco era unicats ord il tunnel da basa Gottard.
- Plan da situaziun
- Historia dalla casa Museum La Truaisch
Temps d’avertura
Mardis e venderdis e l’emprema dumengia dil meins naven dallas 15.00 – 18.00
Stad: 1 da fenadur – 31 d’october
Unviern: 20 da december – Pastgas
Prezi d’entrada
Carschi frs. 7.00
Affons frs. 4.00
Gratuit cun la carta dalla Banca Raiffeisen, per hosps cun la carta da hosps e per indigens cun la Golden Card.
Sin annunzia sa il museum era vegnir visitaus da tut temps e quei era ordeifer il temps d’avertura indicau.
Telefon 081 949 13 43 ni e-mail museum@tujetsch.ch.
Il bi curtin e la sala dil museum stattan a disposiziun per aperitivs, sentupadas da classa e famiglia, sesidas, fiastas, cuors, seminaris, local d’exercezi ed auter.
Mineralias
Mintga treis onns (2024) vegnan las mineralias da nos cavacrappa indigens scumiadas e remplazzadas cun raritads ed exclusivitads ord las collecziuns. Ina part d’in tschaler fuorma la gronda part dallas minearalias en possess dalla vischnaunca. Il „star“ denter ils exponats resta naturalmein il Milarit grond dalla Val Giuv, quei senza sminuir la qualitad e bellezia da tut las autras mineralias! Mintga treis onns dat ei ina midada d'emprest dils cavacrappas da Tujetsch (2024)
NIEV
Exposiziun dalla collecziun dad Ignazi Albin (1933-1987), Tschamut cun bellezia raritads da Cavradi. Il Museum La Truaisch ha giu la caschun unica da cumprar sia collecziun si dalla Bassa.
