Il menaschi tecnic secumpona dils secturs forestalesser e stradalesser. Quellas duas spartas professiunalas surprendan impurtontas incumbensas per la tgira, pil manteniment ed il svilup persistent dall'infrastructura publica e dallas resursas naturalas. Il forestalesser ei responsabels per la cultivaziun e la tgira dils uauls. Leutier s'audan denter auter lavurs da raccolta da lenna, la promoziun d'in uaul saun, mesiras da protecziun sco era la tgira da territoris da recreaziun. Il stradalesser procura pil manteniment dallas vias. Leutier quentan lavurs da reparatura e schubergiar, survetsch d'unviern, signalisaziuns sco era garantir la segirtad dil traffic. Communablamein contribueschan omisduas spartas essenzialmein alla qualitad da viver, alla segirtad e funcziunalitad dalla vischnaunca.

Il menaschi tecnic secumpona era dil sectur dalla serenera. La serenera a Tujetsch ei responsabla per schubergiar las auas piarsas dalla vischnaunca. Cun agid da differents process vegnan las auas schubergiadas e preparadas per ch'ellas possien vegnir menadas anavos ella natira. Aschia contribuescha la serenera impurtontamein alla protecziun dallas auas, alla preservaziun dalla natira ed alla qualitad da viver.