La filiala dalla AVS funcziuna sco colligiaziun denter ils assicurai ellas vischnauncas ed igl Institut cantunal d'assicuranza sociala (SVA GR). El sectur multifar dallas segiradas socialas savein nus dar allas persunas segiradas las informaziuns necessarias, gidar d'emplenir ora ils formulars ni renviar allas persunas dil fatg responsablas.

Nos pensums principals ein:

• Cussegliaziun & sclariment: Emprem post da consultaziun per damondas davart l'obligaziun da contribuziun e prestaziuns.
• Fatgs da formulars: surdar, retscheiver e controllar las annunzias sco era tarmetter vinavon al SVA Grischun. 
• Registraziun: Agid tier la registraziun da persunas obligadas da pagar contribuziuns.
• Sustegn: Agid d'emplenir ora damondas per prestaziuns supplementaras tier la AVS/AI ni indemnisaziuns a persunas dependentas d'agid.