- Lubientscha da fiasta

- Lubientscha d'ustria

Nossa vischnaunca selegra da novas ideas e projects innovativs d'interprendidras ed interprendiders engaschai. Seigi quei entras la nova fundaziun d'in menaschi ni la domiciliaziun da menaschis existents en nossa val – iniziativas che dattan veta e rinforzan nossa vischnaunca ein cordialmein beinvegnidas tier nus.

Per promover in svilup economic persistent dispona la vischnaunca d'ina atgna lescha per promover il svilup economic.

Projects ed ideas che prestan ina contribuziun positiva all'economia locala san vegnir susteni finanzialmein el rom dallas disposiziuns vertentas. Per quei intent stat in fond da promoziun a disposiziun ch'ei vegniu endrizzaus gest per quels motivs. Nus envidein ils interessai da parter cun nus lur ideas e da formar communablamein ed activamein igl avegnir dall'economia tuatschina.